Phi-lon plasma meðferð:

Með Phi-Ion pennanum rétt snertum við á yfirborði húðar. Við það myndast rafstraumur plasma orka eins og örsmá elding og mikill hiti myndast við það. Með þessu örvum við náttúrulegt lagfæringarkerfi líkamans sem hraðar myndun nýrra fruma, kollagens og elastíns.
Meðferð þessi minnkar ummál húðar, strekkir á henni og hægt er að minnka sjáanlegar línur og slappa húð. Til dæmis á svæðum eins og á efri augnlokum, undir augum, kringum varir, fyrir framan eyru, ennislínum, hálsi, slappa húð á maga og á fleiri svæðum. Einnig er hægt er að fjarlægja húðflipa, háræðar, öldrunarbletti og sólarskemmdir.

Eftir meðferðina verður þú með litlar brúnar doppur sem líkja má helst við freknur sem liggja þétt saman. Þú verður með doppurnar (dauðarhúðfrumur) í um 7-10 daga og þær flagna af hægt og rólega. Þú vilt láta þær flagna af sjálfu sér, svo engin förðun þessa daga. Undir doppunum myndast nýjar húðfrumur sem þétta húðina. Húðin verður ljós bleik undir en jafnar sig fljótt. Ráðlagt er að bera sólarvörn á svæðið og verja það fyrir sól í 1 til 2 mánuð eftir merðferðina. Mælt er með að nota sólarvörn +30 til +50 SPF daglega.

Notað er deyfikrem svo þú munt finna lítið sem ekkert til. Eftir meðferðina er upplifunin eins og húðin sé vel sólbrennd.

Árangur sést fljótt með hverri viku, fyrsta mánuðinn. Yfirleitt er nóg að gera eina meðferð sem dugar í eitt til eitt og hálft ár, það fer eftir meðhöndlun húðar og öldrun hennar. Eftir 12 vikurnar sjáum við lokaútkomu á meðferðinni og dæmum hvort það þurfi aðra til. Ef þú ert með slappa og mikla umfram húð og djúpar línur, þarf yfirleitt tvær meðferðir.

sigga_augl

Kostir við plasma vs. skurðaðgerð
• Húðin ekki skorin
• Engar sprautur
• Engin saumur
• Engin blæðing
• Lítil sem engin aukaverkun, (upplifir þig sem sólbrennda)
• Skjótur bati, bólga í 2-3 dagar
• Doppur farnar af eftir 7-10 daga
• Getur farið í vinnu sama dag
• Sársaukalaust – deyfikrem notað
• Fljótleg meðferð
• Mun ódýrari en skurðaðgerð

Frábendingar:
• Með veirusýkingu, hita, kvef eða flensu.
• Barnshafandi eða með barn á brjósti.
• Sykursýki, slæman gróanda eða vandamál í eitlum.
• Færð auðveldlega upphleypt ör, keloid.
• Ert með sólbrennda húð.
• Miklar bólgur eða æxli.
• Lupus
• Psoriasis
• Ristil í andliti
• Æðahnúta, segstíflu eða æðabólgu.
• Drepsýki eða lokaðar slagæð.
• Herpes – taka þá lyf undan og eftir, fá lyf og leyfi frá lækni. (Þetta á aðeins við um meðferðir umhverfis varasvæðið)
• Farið í krabbameinsmeðferð, líffæraígræðslu eða hjartagangráð.
• Þau sem eru í 4, 5 og 6 húðlita flokki, geta ekki farið í plasma. Aðeins mælt með þessari meðferð á miðlungs ljósa húðlit. Allir sem eru með dekkri húðlit eru í hættu að fá hyperpigmentation.

Ef viðskiptavinur er með eitthvað sem talið er upp hér að ofan, þá þarf skriflegt leyfi frá lækni til að fá að fara í PhiIon plasma meðferð ef hann ráðleggur það.
Ekki er mælt með að drekka koffein eða áfengi 24 klst fyrir meðferð, það getur valdið meiri bólgu. Þú munt fá bólgu daginn eftir sem er eðileg, en hægt er að draga mest úr henni með að að neita ekki koffein né áfengi áður.

Hvernig fer meðferðin fram:
• Vertu vel nærð og hvíld.
• Komdu ómáluð í meðferðina.
• Teknar verðar myndir áður.
• Deyfing borin á, nánast engin sársauki.
• Meðferð hefst og byrjað að brenna yfirborð húðar.
• Taktu lítil heyrnatól með og hlustaðu á sögu eða tónlist.
• Þú munt heyra hljóð sem þér mun finnast skrítið og því gott að hafa lítil heyrnatól í eyrunum.
• Þú munt finna sviðalykt í meðferðinni, ekki góð lykt en venst fljótt.
• Færð andlits maska ef önnur svæði á andlitinu eru tekin en augnlokin. Engin maski á augnlok.
• Eftir meðferð verður þú með dökkar doppur á meðferðasvæðinu.
• Húðin grær á 7-10 dögum
• Ekki má farða sig fyrr en doppurnar eru dottnar af.
• Sumir þurfa 2 meðferðir, til að ná góðum árangri, sjaldgæft samt.
• Meðferðin dugar að jafnaði í eitt og hálft ár.

Algengar spurningar:

Hvað tekur þetta langan tíma?
Ef eitt svæði er tekið t.d augnlok tekur það um 90 mín með deyfingu. Tvö svæði taka um 2 klst. Góður tími fer í myndatöku og deyfingu, meðferðin sjálf á einu svæði er um 30 – 40 mín.

Er meðferðin sársaukafull?
PhiIon plasma meðferðin er nánast sársaukalaus þar sem þú ert vel deyfð áður. Þú finnur fyrir því að það sé verið að gera eitthvað en lítill sem engin sársauki fylgir. Flestir tala um hljóðið sem heyrist þegar blossinn snertir húðina og sviðalyktina sem kemur en mörgum finnst hún ekki góð en hún venst nú fljótt. Því mæli ég með hafa lítil heyrnatól í eyrunum og hlusta á góða tónlist eða góða hljóðbók. Eftir meðferðina upplifir þú þig eins og þú sért vel sólbrennd fyrstu 12 klst eða svo og gott er að nota kælupoka til kæla svæðið, það hjálpar líka að minnka bólguna daginn eftir. Mæli einnig með að eiga blævæng, mjög gott að fá kaldan vind á sig. Bólgan getur varað alveg frá 2-5 dögum, mjög einstaklingsbundið.

Hvaða svæði eru vinsælust?
• Augnlok
• Crows feet (broslínur við augun)
• Undir augun
• Broslína við munninn, línan frá nefi og niður að munni
• Eftir vör og neðri vör
• Háls í miðjunni (oft kallað kalkúnaháls svæði)
• Hrukkulína milli augnana og enni
• Fyrir framan eyrun
• Kjálki
• Kringum nafla, maga svæðið

Er PhiIon plasma meðferð örugg?
Meðferðin er örugg þar sem ekki er framkvæmd skurðaðgerð. Meðferðin er byggð með náttúrulegri örvun á endurnýjun á húð. Plasma meðferðin tekur stuttan tíma og þú ert fljót að jafna þig ef farið er eftir leiðbeiningum sem gefin eru upp eftir meðferðina. Ef viðskiptavinur fer ekki eftir þeim, þá er hætta á slæmri bólgu, sýkingu, örmyndun og litabreytingum. Má ég nota farða til að hylja? Nei ekki má nota farða fyrr en allar doppurnar eru dottnar af. Farðinn er ekki sótthreinsaður. Eftir 7-10 daga er hægt að bera farða á svæðið. Mælt er með að sleppa alveg að nota farða í kringum svæðið líka svo það geti ekki sýkt meðferðasvæðið.

Mun ég sjá árangur strax?
Já þú munt sjá árangur með hverri vikunni sem líður frá meðferðadegi. Það tekur tíma fyrir kollagen og elastín að byggja sig upp. Loka útkomuna dæmum við eftir 12 vikur frá meðferð og hvort þú þarft að fara í aðra meðferð til að ná sem bestu útkomunni.

Ef þú vilt skoða myndir before and after þá er nokkar flottar myndir inná Instagram og FB síðu hjá KataSimon, mæli með að skoða þær.

Hafðu samband

Sendu okkur skilaboð og við höfum samband!

Ekki læsilegt? Skipta um texta. captcha txt
0